Monday, January 19, 2009

ဝှက်ဖဲများနဲ့ တိုက်ခိုက်ခံရသည့် Underground Hip-Hop




The New Era Journal: "19 January 2009

ဂျောက်ဂျက် ၀န်ခံကတိထိုးရ ဆင်ဆာမဲ့ခွေနှင့် မပတ်သက်ဟု ပြော
NEJ/ ၁၉ ဇန်န၀ါရီ ၂၀၀၉
line


Bi Weekly Eleven ဂျာနယ်က ရေးသားသည့်သတင်းကြောင့် ဟစ်ဟော့အဆိုရှင် ဂျောက်ဂျက်အား စာပေစိစစ်ရေးနှင့် မြန်မာနိုင်ငံ ဂီတအစည်းအရုံးက ခေါ်ယူ၍ ခံဝန်ကတိလက်မှတ်ထိုးခိုင်းကြောင်း ဟစ်ဟော့သတင်းရပ်ကွက်က သိရသည်။

ပြီးခဲ့သည့် ဇန်န၀ါရီ (၁၅) ရက် ဈေးကွက်တွင်း ဖြန့်ချိခဲ့သော အဆိုပါဂျာနယ်တွင် “မြန်မာ့ယဉ်ကျေးမှု အစဉ်အလာနှင့် လူနေမှုစနစ်အား ထိခိုက်နိုင်သော ဆင်ဆာမဲ့ မြန်မာသီချင်း ညစ်ညမ်းခွေများ သိန်းနဲ့ချီထိ ပျံ့နှံ့လျက်ရှိ၊ နာမည်ရလူငယ်အဆိုတော်အချို့နှင့် တီးဝိုင်းအချို့ ပတ်သက်မှုရှိ၊ ဖန်တီးသူ ထုတ်လုပ်သူ၊ ဖြန့်ချိသူနှင့် လက်ဝယ်ထားရှိသူ မည်သူမဆို ဆင်ဆာဥပဒေ၊ ညစ်ညမ်းဥပဒေနှင့် အရေးယူခံရနိုင်” ခေါင်းစဉ်ဖြင့် ရေးသားထားခြင်းဖြစ်သည်။

ယင်းဖြစ်ရပ်နှင့် ပတ်သက်၍ ကာယကံရှင် ဂျောက်ဂျက်အား ဆက်သွယ်မေးမြန်းရာ ၀န်ခံကတိ ထိုးရသည်မှာ ဟုတ်မှန်ကြောင်း၊ သို့သော် အဆိုပါသတင်းတွင် ပါသော ၎င်း၏သီချင်းများအား အခွေအဖြစ်ထုတ်၍ ရောင်းချသူမှာ မိမိနဲ့ မပတ်သက်ကြောင်း၊ လောလောဆယ် သီချင်းခွေထုတ်ခြင်းကို ရပ်ထားရကြောင်း ပြောသည်။

စာပေစိစစ်ရေး၏ ၀န်ထမ်းတဦးက “ကျမတို့ စာပေစိစစ်ရေးရုံးကတော့ ဂျောက်ဂျက်နဲ့ ပတ်သက်တဲ့ အင်တာဗျူး၊ သတင်း၊ ဆောင်းပါးတွေကို ရပ်ဆိုင်းထားဖို့ ညွှန်ကြားထားတယ်” ဟု ဆိုသည်။

ဟစ်ဟော့ နှစ်သက်သူ လူငယ်တဦးက “ဝေဖန်ရေးလုပ်တယ်ဆိုတာ ဝေဖန်မယ့် Subject ကို နားလည်မှ ဝေဖန်သင့်တယ်။ နိုင်ငံတကာမှာ ဟစ်ဟော့တွေရဲ့ သီဆိုမှုဟာ မကျေနပ်တာတွေ၊ စိတ်ထဲရှိတာတွေကို ပေါက်ကွဲတာပဲ။ အာဖရိကက လူမည်းတွေဆီကတဆင့် ဒီ ဟစ်ဟော့ဂီတဆိုတာ စီးဝင်လာခဲ့တာ လူသားတွေကြားကို၊ ဒါ တော်လှန်ရေးဂီတပဲ။ ဂျောက်ဂျက်သီဆိုတဲ့ ဟစ်ဟော့မှာ ညစ်ညမ်းတာပါတယ်၊ ဟုတ်တယ်၊ ဒါ သူ့အသိုင်းအ၀န်းနဲ့ နီးစပ်တဲ့ အရာတွေထဲက သူရထားတဲ့ အတွေ့အကြုံပဲ။ ဘာပဲဖြစ်ဖြစ် ဒီလို သီဆိုမှုတွေကို ဂျောက်ဂျက် တကောင်တည်း ဆိုတာမဟုတ်ဘူး။ မြန်မာ Underground သီဆိုခဲ့သူတွေ၊ ခု နာမည်ရနေတဲ့ ကောင်တွေလည်း လုပ်ခဲ့တယ်။ ဂျောက်ဂျက်က အခုမှ အဆိုတော်တောင် မဖြစ်သေးဘူးဗျာ၊ ဒီကောင့်တယောက်တည်းကို ပစ်မှတ်ထားသလိုဖြစ်နေတဲ့အတွက်တော့ ကျနော် စိတ်မကောင်းဘူး” ဟု ပြောသည်။

ဟစ်ဟော့ တေးသံရှင်များစွာရှိသည့်အနက် ဂျောက်ဂျက်အား လူငယ်အများ နှစ်သက်ကြကြောင်း၊ ဟစ်ဟော့နှစ်သက်သည့် လူငယ်များ၏ ပြောဆိုမှုကို ကိုးကား၍ သိရသည်။

ဂျောက်ဂျက်သည် ဟစ်ဟော့လောကထဲသို့ ၂၀၀၄ ခုနှစ်က စတင်ရောက်ရှိလာကာ Underground အခွေများ ဝေပြီးချိန်မှစ၍ နာမည်ရလာပြီး VIP အဖွဲ့တွင် Ah.Boy၊ ထိန်ဝင်း၊ ကျော်ထွဋ်ဆွေတို့နဲ့အတူ သီဆိုသူတဦးဖြစ်သည်။

Rock Star အဖြစ် ပြောင်းလဲလိုက်ကာ ၂၀၀၉ ခုနှစ် ဇန်န၀ါရီလ အကုန်တွင် တေးစီးရီးထွက်ရန် ရှိကြောင်း၊ ယခု အဆိုပါ တေးစီးရီး ထွက်လာနိုင်တော့မည် မဟုတ်ကြောင်း မြန်မာနိုင်ငံ ဂီတအစည်းအရုံးနှင့် နီးစပ်သူတဦးက ပြောသည်။

ဂျောက်ဂျက်၏အမည်ရင်းမှာ ဇင်မင်းလွင်ဖြစ်ပြီး အသက် (၂၂) နှစ်ခန့်သာရှိကာ တရုတ်-ဗမာ ကပြား လူမျိုးဖြစ်သည်။ ရန်ကုန် ဗိုလ်တထောင်မြို့နယ်တွင် နေထိုင်သူဖြစ်သည်ဟု ရုပ်ရှင်အမြုတေမဂ္ဂဇင်းအရ သိရသည်။

ကျနော်ဒီသတင်းကြားကတည်းက ရေးဖို့စိတ်ကူးရှိပေမဲ့ အခြေအနေအရ မရေးနိုင်ခဲ့ပါဘူး ။ဒီနေ့တော့ အချိန်လေးရလာတာရယ်၊ သူ့ကိစ္စကို သတင်းတွေမှာပါ တော်တော်ပျံ့နှံ့လာတော့ ကျနော့်ကိုယ်ပိုင်အမြင်ပါရေးဖို့စိတ်ကူးရလာလို့ရေးဖြစ်တာပါ ။


အခုလက်ရှိမြန်မာပြည် ဂီတလောကအခြေအနေဟာ ပျက်စီးနေပြီလို့ပြောလို့ရပါတယ် ။ထုတ်လုပ်သူတွေ ဘယ်လိုမှ နလန်မထူနိုင်အောင် ခိုးကူးတွေက တားမရဆီးမရ မှိုလိုပေါနေတာပါပဲ ။ဒါကလည်း ပရိသတ်ရဲ့ အနေအထားတစ်ခုပါ ။အနုပညာကို မြတ်နိုးတန်ဖိုးထားတဲ့သူတွေရဲ့ ၀င်ငွေအဆင့်အတန်းပါပဲ ။ တရားဝင်ခွေတစ်ခွေထွက်ဖို့ကလည်း ကုန်ကျစရိတ်ကြီးတာ အားလုံးအသိပါ ။အခုကိစ္စက ဂျောက်ဂျက်ရဲ့သီချင်းတွေပျံ့နှံ့ပုံမှာ Online ကပြန့်တာနဲ့ခိုးကူးအရောင်းသမားတွေဖြန့်တာ.. ဒီ၂ ခုပါပဲ ။Online က ရတာကတော့ ပြည်တွင်းထက် ပြည်ပမှာ ပျံ့နှံ့အားပိုများမှာပါ ။ဒီကို သူတို့ဘယ်လိုမှ ခန့်မှန်းလို့မရသလို ပြည်ပရောက်နေသူတွေကလည်း အရွယ်ရောက်ပြီးသူတွေများတာမို့ ဒီကိစ္စက ဝေဖန်ရေးသားသူ သိမြင်နိုင်တဲ့ကိစ္စမဟုတ်ပါဘူး ။ပြည်တွင်းမှာ လူငယ်တွေကြား ရေပန်းစားနေတာလည်း ကလည်း လူငယ်တွေ ခံစားချက်နဲ့တိုက်ဆိုင်နေလို့ပါ ။မဟုတ်ရင် သူဒီလောက်ကြမ်းကြမ်းတမ်းတမ်းရွတ်နေတာ ခံစားချက်မရှိပဲနားထောင်လို့ရနိုင်စရာ အကြောင်းမရှိပါဘူး ။ဒီ သီချင်းတွေကြောင့်အရွယ်မရောက်သေးတဲ့ ကလေးတွေအတွက်စိုးရိမ်ပါတယ်ဆိုရင်တော့ ခိုးကူးလောကကြီး ပျက်စီးသွားအောင် လုပ်ကြပေတော့ ။ဂျောက်ဂျက်ရဲ့အခွေမှ မဟုတ်ပါဘူး ။ဟန်ထူးလွင်(ကျားပေါက်)ရဲ့ တရားမ၀င်အခွေလည်းထွက်တာပါပဲ ။သူလည်း စာသားကြမ်းတာပါတာပဲ ။ဂျောက်ဂျက်ရဲ့ အခွေတွေက ပိုပြီးပေါက်တယ် ။နောက်ပြီး သူသီချင်းထဲမှာ ကောင်းကောင်းကြီး ထောပနာပြုခံရတဲ့သူတွေက ကျေနပ်နိုင်စရာအကြောင်းမမြင်ပါဘူး ။သူ့သီချင်းထဲမှာ အောက်ခြေလွတ် မောက်မာနေတဲ့သူတွေ ၊ အနုပညာအတုလုပ်ပြီး ပရိသတ်ကို လိမ်စားနေတဲ့သူတွေ...ပါပါတယ် ။ အဲဒီလူတွေကပေါင်းပြီး ဒီခြိမ်းခြောက်သတင်းကိုပူးပေါင်းကြံစည်တာ မဟုတ်ပါဘူးလို့ ဘယ်သူပြောနိုင်လဲ ။အရွယ်မရောက်သေးတဲ့လူငယ်တွေ လမ်းမှားမှာစိုးရိမ်ရတယ်ဆိုတာမျိုး စကားကြီး စကားကျယ်သုံးတယ် ။ဒီလိုဆိုပြန်မေးစရာရှိပါတယ် ။သက်ဆိုင်ရာ လူကြီးမိဘတွေ၊ဆရာသမားတွေ ၊နိုင်ငံကိုချုပ်ကိုင်ထားတဲ့သူတွေက လူငယ်တွေရဲ့ အနာဂတ်ကို ဘယ်လိုလမ်းခင်းဖန်ဆင်းပေးထားပါသလဲ ။အရွယ်မရောက်တဲ့ကလေးတွေအတွက် တားမြစ်ချက်တွေကရော ဘယ်လောက်ပေါက်မြောက်ထိရောက်မှုရှိပါသလဲ ။ ဒီ တစ်ချက်ထဲနဲ့ ပွဲပြီးပါတယ် ။လူငယ်တွေ အနာဂတ်ပျောက်နေရတယ် ။သက်ဆိုင်ရာ ပညာရေးပြီးဆုံးသည့်တိုင် အလုပ်လက်မဲ့တွေဖြစ်နေရတယ် ။မိသားစုတွေ နားထောင်ဖို့မသင့် တာ မကြားဝံ့ မနာသာ တွေ ပါပါတယ် ။စာသားကြမ်းတာ ရိုင်းတာကို လက်ခံပါတယ် ။ဒါပေမဲ့ ဒါက လီဆယ်ပြီးမဟုတ်သုတ်ခတွေ ရေးတာ အော်တာလား ဆိုတာ KTV တွေ Night Club ၊ Massage တွေမှာ အဖိုးကြီးတွေ ကဲနေကြတာ ဘာကြောင့်တွေ့မြင်နေရသလဲ ။သူတို့တွေအားလုံးမှာ မိသားစုမရှိဘူးလား ။ရန်ကုန်မြို့လမ်းမတွေပေါ်ကကိစ္စတွေတော့ အသေးစိတ် မရေးလိုပါဘူး ။အလုပ်လုပ်ကိုင်နေတဲ့ လက်ရှိ မြန်မာမိန်းမပျိုလေးများရဲ့(အားလုံးကို မဆိုလိုပါ) အခြေအနေ အကျိုးအကြောင်း သေသေချာချာ သိချင်ရင်တော့ လမ်းမပေါ်မှာ ကွင်းဆင်းလေ့လာပါလို့ တိုက်တွန်းလိုပါတယ် ။မြန်မာ့ယဉ်ကျေးမှုကိုထိခိုက်စော်ကားတယ် ။ဖြစ်ကောင်းဖြစ်နိုင်ပါတယ် ။ယဉ်ကျေးမှုတော်လှန်းရေးတစ်ခုထိတောင် ဖြစ်နိုင်ပါတယ် ။ယဉ်ကျေးမှုဝန်ကြီးဌာနကရော မြန်မာ့ယဉ်ကျေးမှုကို ခေတ်နဲ့အညီ အမှီလိုက် ဆန်းသစ်တီထွင်နိုင်ပါရဲ့လား ။ဘယ်သူမှ ဘာမှမစွမ်းဆောင်နိုင်ပဲ လူငယ်တွေ လမ်းသစ်ရှာပြီးသူတို့ရဲ့မွန်းကြပ်ပိတ်မှောင်နေတဲ့ လက်ရှိဘ၀အခြေအနေကို ကြမ်းကြမ်းတမ်းတမ်းဖောက်ခွဲတော့ ထောင်ချပါမယ်လုပ်တယ် ။လူကြီးက လမ်းပြတဲ့နေရာက ဒါလား လို့ပဲမေးစရာရှိပါတယ်။ နားထောင်တဲ့သူတိုင်းနားလည်ပါတယ် ။ဒီစာသားတွေ ကြမ်းတယ် ရိုင်းတယ် ဆိုတာ ။ဘာကြောင့်သူ့အခွေ ဒီလောက်အောင်မြင်သလဲ...ဘာကြောင့်လူငယ်တွေ သဘောကျသလဲ ဆိုတာကို ထည့်သွင်းစဉ်းစားရမှာပါ ။ဒီဂီတအမျိုးအစားရဲ့သမိုင်း နဲ့သဘောသဘာဝကိုလည်း ကောင်းကောင်းနားမလည်ပဲ ဘာကြောင့်ဒီလို တရားဝင်ခွေတောင်မထွက်ရသေးတဲ့ Underground Rapper တစ်ယောက်ကိုပဲ ဥပဒေကြောင်းတွေနဲ့ ကျယ်ကျယ်လောင်လောင် ဝေဖန်ခြိမ်းခြောက်သလဲဆိုတာတော့ မေးစရာဖြစ်နေပါတယ် ။ကြမ်းကြမ်းတမ်းတမ်း စာသားတွေ မသုံးရဲအောင် စံပြ နမူနာသဘော လုပ်ပြတာမျိုးဖြစ်ကောင်းဖြစ်နိုင်ပေမဲ့ ဒါက ရေစီးပါ ။အရှိန်အဟုန်ကောင်းလာပြီဖြစ်တဲ့ ခေတ်ရေစီးပါ ။ကျနော်တို့ရှုင်သန်ကြီးပြင်းခဲ့ရတာ နိုင်ငံတကာက သီချင်းတွေကို မြန်မာလို ခိုးယူတုပ ဆိုထားတဲ့ သီချင်းတွေနဲ့ ကြီးပြင်းခဲ့ရတာပါ ။အဲသလို ဆိုလာကြတာ ကျနော်တို့ တစ်သက်မကတော့ပါဘူး ။အခု ဒီလူငယ်လေးတွေက အဲဒီသူများသီချင်းခိုးဆိုတဲ့လောကကြီးကို တော်လှန်ခဲ့တာမို့ မြန်မာဂီတလောကအတွက် လိုအပ်တဲ့ ကွက်လပ်ဖြည့်တာလို့မြင်ပါတယ် ။နောက် ...လူမှုဘ၀ အခြေအနေမှန်တွေကိုလည်း တိုက်ရိုက်ပုံဖော်နိုင်တဲ့ ဂီတအမျိုးအစားပါ ။လူတွေ ဘယ်အခြေအနေ ဘယ်ပုံစံရှင်သန်နေထိုင်ကြရသလဲဆိုတာ သေသေချာချာ စမ်းစစ်လေ့လာရင် ဒီစာသားတွေထွက်လာတာ မဆန်းဘူးဆိုတာ မြင်နိုင်ပါလိမ့်မယ် ။လွန်ခဲ့တဲ့ အနှစ် (၂၀)နဲ့မယှဉ်ပဲ ပြီးခဲ့တဲ့ (၁၀)နှစ်ဆိုတဲ့အချိန်အတိုင်းအတာနဲ့ပဲ နှိုင်းယှဉ်ကြည့်ရင် အစစအရာရာ အလှမ်းကွာသွားပါပြီ ။ လူတန်းစားအဆင့်အတန်း အင်မတန်ကွာသွားသလို လူတွေရဲ့စားဝတ်နေရေးအတွက်ဖန်တီးရတဲ့ပုံစံတွေကလည်း အင်မတန်ခြားနားပြောင်းလဲသွားပါပြီ ။ဘာပဲဖြစ်ဖြစ် အရှိန်အဟုတ်နဲ့ရေစီးဆိုတာ ရတဲ့နည်းနဲ့စီးဆင်းနိုင်တဲ့အားအင် သက်ဝင်နေတာမို့ ရပ်တန့်သွားဖို့ မရှိကြောင်းပြောရင်း ကျနော့် အတွေးအမြင်ကို အဆုံးသတ်လိုက်ပါတယ် ။ မြန်မာ့အနုပညာလောကကြီး ကမ္ဘာ့အလယ်တင့်တယ်နိုင်ပါစေ ။

6 comments:

kyaw said...

မင်္ဂလာပါအိပ်မက်အိမ်

ဂျောက်ဂျက်ကိစ္စအတွက်ယခုလိုပြန်လည်ဝေဖန်ရေးသားထားသည်မှာ ဂီတကိုစောင်းပေးထားသည့်
အရေးအသားမျိုးဖြစ်ကြောင်းဖတ်ရှုပြောကြား
လိုပါသည်။
မြန်မာပြည်အခြေစိုက်ဂျာနယ်ဧ။်အရေးအသားမှာကားဥပဒေဘက်ကို ပို၍အလေးထားရေးသားထား
သည့်အတွက် အိပ်မက်မက်နေကြသော ဤအိမ်မှမိတ်ဆွေများအနေဖြင့် စောင့်အစုံကပြန်လည်ရေးသား
ဖေါ်ပြပေးစေလိုပါကြောင်းမှတ်ချက်ထားခဲ့ပါသည်။

နွေလှိုင်ဿုန်း said...

သူ့ဒီခွေတွေက အကြီးအကျယ်ပေါက်သွားလို့ ထိတ်လန့်သွားကြတာပါ ။သူတို့တွေက လမ်းမတွေပေါ်မှာလူးလွန့်လှုပ်ရှားသွားလာနေကြတဲ့လူငယ်ချာတိတ်တွေလေ ။နောက်တစ်ခုက ဒီလိုကြမ်းကြမ်းရိုင်းရိုင်းတွေကို သဘောမကျတာ မြန်မာပြည်တွင်း အခြေအနေတွေနဲ့ မထိတွေ့တာကြာပြီဖြစ်ကြတဲ့ ပြည်ပရောက်မြန်မာ အများစု ခါးခါးတူးတူး ငြင်းဆန်နေကြတာပါ ။အထူးသဖြင့် အသက် ၃၀ ကျော် မြန်မာတွေပေါ့နော် ။မိန်းကလေးတွေ http://cuteburmesegirl.zinmedia.net/ ဒီလိုနေရာတွေမှာ ရောက်နေတာ နှစ်တွေအတော်ကြာပါပြီ ။ဒီထက်ကြမ်းတာတွေလည်း ရှိပါသေးတယ် ။ ဒါတွေကရော ဘယ်အခြေအနေဆီ ဦးတည်နေတာလဲ ။ဘာကြောင့် ဒါတွေကို မအော်ကြတာလဲ ။ ကျနော်ပြောခဲ့ပြီးပါပြီ ။သူတို့သီချင်းကို တရားဝင်ဖြန့်နိုင်တာ မဟုတ်ပါဘူး ။အရမ်းပေါက်သွားတော့ လုပ်စားတဲ့ သူတွေလက်ထဲရောက်သွားရော အဲဒီမှာ ရှုပ်ကုန်တာပါ ။Imeem.com မှာ ရှာကြည့်ပါ ။သူ့လိုပဲ ကြမ်းကြမ်းရိုင်းရိုင်း အော်ထားတာတွေ အများကြီးပါ ။သူတို့ရည်ရွယ်တာ သူတို့Hip Hop နဲ့ ဂီတလောက အတုအပကင်းစင်ရေးကို အဓိကထားပါတယ် ။နောက် လက်တွေ့ ပတ်ဝန်းကျင် အခြေအနေပေါ့ ။ဒါကို လူထုသိအောင် ဖွင့်ထုတ်တယ် ။အပုပ်ဖော်တာပေါ့နော် ။ သာမန်မိန်းကလေးတွေ နားမခံသာတဲ့ ခပ်ကြမ်းကြမ်းတွေပါပါတယ် ။လူငယ်လေးတွေ လက်ရှိခံစားထိတွေ့နေတဲ့ အခြေအနေတွေမို့ နည်းလမ်းရှာရမှာက အေးချမ်းလုံခြုံတဲ့ အခြေအနေဖန်တီးပေးနိုင်ဖို့ပါ ။သူတို့ရဲ့ တင်ပြပုံကိုအစား ရည်ရွယ်ချက်လိုရင်းကိုရှာကြည့်ရင် သိနိုင်ပါတယ် ။

အောင်စိုး said...

မရှင်းလို့မေးပါအုံးမယ်။

၁။ Hip Hop နဲ့မှ ပေါက်ကွဲလို့ရတာလား၊ Rock နဲ့ကော ပေါက်ကွဲလို့ မရဘူးလား။

၂။ လမ်းပေါ်က လက်တွေ့ဘ၀နဲ့ အခြေအနေကို ထင်ဟပ်ဖို့ ရိုင်းရိုင်းစိုင်းစိုင်း တစ်တစ်ခွခွ စကားလုံးတွေနဲ့မှ ပေါ်လွင်မှာလား။

၃။ ဒီသီချင်းတွေဟာ သင့်တော်မွန်မြတ်တယ်လို့ ထောက်ခံနေပါရင် ကိုယ့်မိဘနှမသားချင်းတွေနဲ့ အတူနားထောင်ဝံ့ပါလား။

၎။ ထောက်ခံသူတွေအနေနဲ့ မိမိတို့ကိုယ်တိုင် အသက်အရွယ်ရလာလို့ ကိုယ့်ရဲ့မျိုးဆက်တွေကများ အခုထက်ပိုဆိုးတဲ့ အတွေးအခေါ်သစ်၊ ရှုဒေါင့်သစ်တွေရှိလာရင် နားလည်လက်ခံဖို့ ဘယ်လိုပြင်ဆင်ထားမှာလဲ။

ko said...

ကိုအောင်စိုးသို့ 
၁။ Hip Hop နဲ့ မှ မဟုတ်ပါဘူး။ ဘာနဲ့ မဆိုပေါက်ကွဲလို့ ရပါတယ်။ ခုက hiphop ရေစီးကြောင်းနဲ့ မို့ နေမှာပေါ့ ။ သူကြိုက်တာနဲ့ ဆိုလို့ ရတာပဲလေ။ မရဘူးလား

၂။ဟုတ်ပါတယ်။ လိုအပ်ပါတယ်။နောက်ပြီး ဒီသီချင်းတွေက underground တွေပါ။

၃။ "ဒီသီချင်းတွေဟာ သင့်တော်မွန်မြတ်တယ်လို့ ထောက်ခံနေပါရင် ကိုယ့်မိဘနှမသားချင်းတွေနဲ့ အတူနားထောင်ဝံ့ပါလား" သင့်တော်လို့ သုံးရင်လုံလောက်ပါတယ်။ မွန်မြတ်တယ်လို့ ဘယ်သူကမှမပြောပါ။ တခါတလေ တယောက်တည်းနားထောင်သင့်တာတွေလဲ ရှိမှာပေါ့။

၎။ ရှေးရိုးစွဲအမြင်တွေကို ပြင်သင့်ပါတယ်။

★သခင်မျိုးဟေ့ဒို့မြန်မာ★ said...

နအဖက ကုလားတွေနဲ့ ပေါင်းပြီး ရွေးကောက်ပွဲကို ကလိမ်ကကျစ်လုပ်နေပါတယ်။ ဒီမိုငတုံး မဗေဒါကလဲ ကုလားမကို နိုင်ငံရေး ဇတ်ခုံပေါ်မှာ နေရာရအောင် ကူညီပေးနေပါတယ်။ တကမ္ဘာလုံးမှာ ကုလားတွေ ဒုက္ခပေးနေတာကို အားလုံးမြင်နေကြတာပဲ။ အဲဒါကို လုံးဝဂရုမစိုက်ပဲ ဒီမိုနဲ့ နအဖတွေဟာ ကုလားတွေနဲ့ပေါင်းပြီး နိုင်ငံရေး အမြတ်ထုတ်နေပါတယ်။ ကုလားကလဲ နှစ်ဖက်စလုံးကို ညာပေါင်းပြီးခွစားနေပါတယ်။ အခုတောင် ရခိုင်မှာ ကုလားတွေချည်းဖြစ်နေပါပြီ။ မောင်လမြိုင်မှာ ပလီတွေ တလုံးပြီး တလုံးတိုးပွားနေပါတယ်။ ရန်ကုန်မှာလဲ ပလီတွေက ခွေးအူသံတွေ နေ့စဉ် ထုတ်လွှင့်နေပါတယ်။ နအဖ နဲ့ ဒီမိုတွေ ကုလားကို မြှောက်ပင့်နေတာကို မိမိနဲ့ မဆိုင်သလို လက်ပိုက်ကြည့်နေရင် အခုထက် ပိုပြီးဆိုးလာလိမ့်မယ်။ ကုလားကို မြှောက်ပင့်နေတဲ့ မဗေဒါလုပ်ရပ်ကို ကော်မန့်ကနေ ဆန့်ကျင်ပေးကြပါ။

http://mabaydar88.blogspot.com/2010/09/blog-post_3555.html
http://www.lanpyakye.org/2010/09/blog-post_25.html




ကုလားကိုထိရင် ဆတ်ဆတ်ထိမခံသူများကို ဆန့်ကျင်နေသည့်
မြင့်မြတ်သည့်မဟာမြန်မာဝါဒီသခင်ကြီး Mr. ★ဆရာဇော်မျိုး★

Anonymous said...

ကျွန်မျိးဟေ့ဒို့ ...သာပြောပါ။ ပြည်တွင်းပြည်ပ မင်းတို့ကျွန်ဖြစ်နေတာမေ့နေပြီလား၊ မင်းတို့ကုလား ကုလား ဟုတွင်တွင်ကျယ်ကျယ်သုံးနေတာ မင်းတို့ ငရဲကြီးမှာကိုမကြောက်ကြဘူးလား။ မင်းတို့ ဘုရားကိုစော်ကားရာရောက်တယ်လေ....