Thursday, August 30, 2007

လျှိူ့ဝှက်ရေးလုပ်ငန်းများကို ကျွမ်းကျင်စွာ ဆောင်ရွက်နည်း - ၁

လျှိူ့ဝှက်ရေးလုပ်ငန်းများကို ကျွမ်းကျင်စွာဆောင်ရွက်နည်းစာတမ်းများကို (၁၉၈၀) ခုနှစ်များအတွင်း ပထမအကြိမ်ပုံနှိပ်ဖော်ပြခဲ့ပြီး။ တောင်အာဖရိကကွန်မြူနစ်ပါတီ၏ စာစောင်ဖြစ်သော အမ်ဆီဘန်ဇီ (Umsebenzi) တွင် အခန်းဆက်ဖော်ပြခဲ့ပါသည်၊ နောက်ပိုင်းတွင် မြေအောက်လုပ်ငန်းလုပ်ကိုင်သူများ အတွက်အိပ်ဆောင်စာအုပ်ငယ်အဖြစ် ပြန်လည်စုစည်း ထုတ်ဝေခဲ့ပါသည်၊

မာတိကာ
၁၊ နိဒါန်း
၂၊ လျှိူ့ဝှက်ကွန်ယက်တခု တည်ဆောက်ခြင်း၊
၃၊ လျှိူ့ဝှက်ရေးကိစ္စများအတွက် ဥပဒေသအချို့
၎၊ စောင့်ကြည့်ခြင်း၊
၅၊ စောင့်ကြည့်ခြင်း နည်းနာများ
၆၊ တန်ပြန် စောင့်ကြည့်ခြင်း
၇၊ စောင့်ကြည့် စစ်ဆေးရာလမ်းကြောင်း (The Check Route)
၈၊ အကူအညီဖြင့်သော်လည်းကောင်း။ ယာဉ်ဖြင့်သော်လည်းကောင်း စောင့်ကြည့်စစ်ဆေးသော လမ်းကြောင်းကို သုံးခြင်း
၉၊ ကားဖြင့် စစ်ဆေးစောင့်ကြည့်ခြင်း
၁၀၊ နောက်ယောင်ခံမှုကို အမြီးဖြတ်ခြင်း (မျက်ခြေဖြတ်ခြင်း)၊
၁၁၊ လျှိူ့ဝှက်ဆက်သွယ်ရေးစနစ်
၁၂၊ လူပုဂ္ဂိုလ်ချင်း တွေ့ဆုံမှုများ
၁၃၊ အရေးပေါ်နှင့် စစ်ဆေးမှုကိစ္စများအတွက် တွေ့ဆုံခြင်းများ
၁၄၊ မသိသောသူနှင့် တွေ့ဆုံခြင်းများ
၁၅၊ လူပုဂ္ဂိုလ်အရ မဟုတ်သော ဆက်သွယ်ရေးများ
၁၆၊ ဆက်သွယ်ရေးအချက်ပြသင်္ကေတများ
၁၇၊ ပုံသေစာတိုက်ပုံးများ
၁၈၊ မရွှေ့မပြောင်း တည်မြဲနေသော ပုံသေစာတိုက်ပုံးများ။ သယ်ဆောင်နိုင်သော။ ရွှေ့ပြောင်းနိုင်သော ပုံသေစာတိုက်ပုံးများ
၁၉၊ အရေးနိမ့်မှုများနှင့် ၄င်းတို့ကိုကျော်လွှားနည်းများ
၂၀၊ အရေးနိမ့်မှုများကို ပြန်လည်စုံစမ်းခြင်းနှင့် ဖြစ်သောနေရာဒေသဖော်ထုတ်ခြင်း၊

၁၊ နိဒါန်း
ဤစာတမ်းငယ်သည် လျှိူ့ဝှက်မှုအရေးပါပုံကို ဖော်ပြထားခြင်းဖြစ်ပြီး။ တော်လှန်ရေး. အရေးပါသော လျှိူ့ဝှက်မှုလုပ်ငန်းများကိုမည်သို့လျှို့ဝှက်စွာထမ်းဆောင်နိုင်မည်။ ရန်သူက အလွန်အမင်းလိုချင်နေသော လျှို့ဝှက်သတင်းများကို မည်သို့မည်ပုံကာကွယ်နိုင်မည် စသည့်နည်းများကို ဖော်ပြထားခြင်း ဖြစ်ပါသည်၊ လျှို့ဝှက်ခြင်းနည်းအားဖြင့် ခိုင်မာသောတော်လှန်ရေးလှုပ်ရှားမှုတရပ်ကိုတည်ဆောက်နိုင်မည် ဖြစ်ပြီး။ ရန်သူကို အောင်မြင်စွာတွန်းလှန် အောင်ပွဲခံနိုင်လိမ့်မည် ဖြစ်သည်၊ပြည်သူအများလွတ်မြောက်ရန်အတွက် ဆောင်ရွက်နေသောတော်လှန်ရေးလုပ်ငန်းမျာ့း လျှို့ဝှက်မှုနည်းလမ်းများကို သုံးနေရခြင်းမှာ မကောင်းသော အလုပ်မဟုတ်ပါ၊ လွန်ခဲ့သော ခေတ်ကာလများကပင် အုပ်ချုပ်သူလူတန်းစားများသည်။ အဖိနှိပ်ခံပြည်သူများ
လွတ်မြောက်ရေးအတွက် ကြိုးပမ်းမှုများကို အထမမြောက်ရလေအောင်။ ခက်ခဲရလေအောင် တလျှောက်လုံး လုပ်ထားကြသည်၊

အာဏာပိုင်များအနေဖြင့် အရက်စက်ဆုံးဆိုသော။ အဆိုးရွားအကောက်ကျစ်ဆုံးသောနည်းလမ်းများကို အာဏာဆက်လက်တည်မြဲရေးအတွက် သုံးခဲ့ကြသည်၊ အာဏာပိုင်များသည် တရားမျှတမှုမရှိသော ဥပဒေများကိုသုံး၍ အတိုက်အခံပြုသူများကိုတားမြစ်ချုပ်ချယ်ခြင်း။ ဖိနှိပ်ခြင်း။ ထောင်သွင်းအကျဉ်းချခြင်း။ သုတ်သင်ခြင်းများ ပြုခဲ့ကြသည်၊ သူတို့သည် လျှို့ဝှက်ပုလိပ်များ။စစ်သားများ။ သူလျှိုဒလံများ။ သတင်းပေးများကို သုံးကာ လူထုလှုပ်ရှားမှုများကို တလျှောက်လုံးဆန့်ကျင်လာခဲ့ကြသည်၊

သို့သော်လည်း ပြည်သူအများက ဤသို့ဖိနှိပ်သောနည်းလမ်းများကို မည်သို့ပြန်လည်တုန့်ပြန် ဆန့်ကျင်ရမည်ကို သိကြသည်၊မည်သို့လျှို့ဝှက်စွာ ဆောင်ရွက်ကြရမည်ကို သိကြသည်၊မိမိတို့နိုင်ငံတွင် အစောပိုင်းကာလသမိုင်းတလျှောက်လုံးတွင် ဤကိစ္စနှင့်ပါတ်သက်၍ ဥပမာပြသရန်။ ဥပမာ ကောင်းများစွာရှိခဲ့သည်၊ မာကန်ဒါ (Makanda)။ ဆက်ဝါယို (Cetshwayo)။ စက်ခုဟူနီ (Sekkhukhune)။ ဘန်ဘာသာ (Banbatha)စသောသူများသည် လျှို့ဝှက်သောနည်းလမ်းများကိုသုံး၍ ခုခံမှုလုပ်ငန်းများ ဆောင်ရွက်ရန် စည်းရုံးခဲ့ကြသည်၊ ဥပမာအားဖြင့် ဘန်ဘာသာဆိုလျှင် ကိုလိုနီစနစ်ကို ဆန့်ကျင်တွန်း လှန် သော သူပုန်ထမှုအတွက် နကန်ဒလာတောတွင်းမှနေ၍ လျှို့ဝှက်စွာ စုစည်းစည်းရုံးခဲ့ဖူးသည်၊

လျှို့ဝှက်ခြင်းအားဖြင့် ရန်သူကိုအသာစီးရစေသည်၊

တရားမ၀င်သောလုပ်ငန်းများဆိုလျှင် တခုမျှလုပ်၍ မဖြစ်နိုင်တော့သယောင် ရန်သူကအမြဲတစေဖော်ပြလေ့ရှိ သည်၊ လူအများကိုလည်းဤအတိုင်း ယုံကြည် နေစေသည်၊ မိမိတို့လှုပ်ရှားမှုများအတွင်းမှ ဖမ်းဆီးရမိသူများ။ ချေမှုန်းနိုင်သူများကိုလည်း အမြဲတစေဖော်ပြ ကြွားဝါလေ့ရှိသည်၊ အကျဉ်းထောင်များအတွင်း ထောင်သွင်းအကျဉ်းချထားနိုင်သော လွတ်မြောက်ရေး တိုက်ပွဲဝင်ရဲဘော်များကိုလည်း အမြဲထုတ်ပြလေ့ရှိသည်၊ သို့သော်လည်း ဤသို့ဖော်ပြပြောဆိုနေသူများသည် အဓိပ္ပါယ်မရှိသော လှိမ့်လုံးကြွားလုံးများသက်သက်သာဖြစ်သည်၊ တော်လှန်ရေးတခုကို ဆင်န$ဲရာတွင် အဖိတ်အစင်။ အဆုံးအရှုံးမရှိပဲ ဖြစ်နိုင်မည်မဟုတ်ဟူသည်မှာအမှန်ပင် ဖြစ်ပါသည်၊ သို့သော်လည်း တောင်အာဖရိက ကွန်မြူနစ်ပါတီနှင့် အာဖရိကအမျိုးသားကွန်ဂရက် (အေအဲန်စီ) တို့သည် တရားမ၀င်အဖြစ် ရပ်တည်ရင်း။ နှစ်ကာလကြာရှည်စွာ မဖြိုခွဲနိုင်ပဲတည်ရှိနေရသောအကြောင်းသည် ဤလှိမ့်လုံးကြွားလုံးများ မဟုတ်မှန်ကြောင်း သက်သေပြနေပါသည်၊ အာဏာပိုင်များအနေဖြင့် ဤသို့မြင့်မြတ်သော တော်လှန်ရေး လုပ်ငန်းကို ရပ်တန့်ပစ်ရန် ဖြစ်နိုင်မည်မဟုတ်ပါ၊ ဤသို့ရပ်တည်နေနိုင်သောအကြောင်းမှာလည်း မိမိတို့သည် လျှို့ဝှက်ရေးကိစ္စများကိုကျွမ်းကျင်စွာ ထိန်းသိမ်းလုပ်ကိုင်နိုင်သောကြောင့် ဖြစ်ပြီး။ ဤအချက်ကြောင့်ပင် ရန်သူကိုအသာစီးရစေခြင်းလည်း ဖြစ်ပါသည်၊

စည်းကမ်း။ သတိဖြင့်စောင့်ကြည့်မှုနှင့် မိမိဖာသာထိန်းချုပ်မှု

လျှို့ဝှက်အပ်သောနည်းလမ်းများမှာ လူအများ၏ ပုံမှန်စဉ်းစားဆင်ခြင်ပုံနည်းများနှင့် အတွေ့အဿကံများအပေါ်တွင် အခြေပြုထားခြင်းဖြစ်ပါသည်၊ သို့သော်လည်း ဤအချက်များကို ကျွမ်းကျင်ပါးနပ်စွာအသုံးပြုနိုင်ရန်ဆိုသည်မှာ အနုပညာတခုနှင့် ပိုတူပါသည်၊ စည်းကမ်း။ သတိဖြင့်စောင့်ကြည့်မှုနှင့် မိမိဖာသာထိန်းချုပ်မှုတို့ လိုအပ်ပါသည်၊ နာဇီသိမ်းပိုက် ထားသော ပြင်သစ်နိုင်ငံတွင် ခုခံတော်လှန်ရေးလှုပ်ရှားမှုအတွင်း ဖမ်းဆီးမှုလုံးဝမကြုံခဲ့ရသော စည်းရုံးသူတဦးက ပြန်ပြောပြရာတွင်။ သူအဖမ်းမခံရ သော အကြောင်းမှာ သူ့အနေဖြင့် ဤကာလအတွင်း တယ်လီဖုန်းတခါမှမသုံးခဲ့ကြောင်း။ လူအများစုဆုံရာ ဖြစ်သော ဘားဆိုင်များ။ စားသောက်ဆိုင်များ။ စာပို့တိုက်များကို ရှောင်ခဲ့သောကြောင့်ဖြစ်ကြောင်း ဆိုပါသည်၊ သူ့အနေဖြင့် လုံးဝ မြေအောက်ဘ၀တွင်သာ မျြှုပ်နှံနေခဲ့ပါသည်၊ သို့သော်လည်း တရားဝင်ရပ်တည်နေထိုင်ခွင့်ရှိသော။ မြေအောက်လုပ်ငန်းများတွင် ဆက်စပ်ပါတ်သက်နေသောသူများ သည်ပင်လျှင်မိမိတို့ရည်ညွှန်းဖော်ပြထားသော အချက်များကို အရည်အသွေးပြည့်လိုက်နာကျင့်ကြံရန် လိုအပ်ပါလိမ့်မည်၊

လေ့လာရေးနှင့် လျှို့ဝှက်ရေးဥပဒေသများကို အသုံးပြုခြင်း

ရုပ်ရှင်များတွင် သော်လည်း ကောင်း။ စာအုပ်များမှသော်လည်းကောင်း လူအများအနေဖြင့် လျှို့ဝှက်သော လုပ်ငန်းများတွင် ဆက်သွယ်ဆောင်ရွက်ကြရာ။ သင်္ကေတကုဒ်များ။ စကားဝှက်များ။ ပုန်းအိမ်များ။ လျှို့ဝှက် ပုန်းခိုနိုင်ရန်နေရာများ။ အိမ်များပါဝင်လေ့ရှိကြောင်းတွေ့ဖူးထားကြမည် ဖြစ်သည်၊ တက်ကြွလှုပ်ရှားသူ တဦး အနေဖြင့် ဤလျှို့ဝှက် ဥပဒေသများကိုလေ့လာပြီး။ လေးလေးနက်နက်လိုက်နာ ကျင့်သုံးရန် လိုအပ်ပါ လိမ့်မည်၊ ဤနည်းအားဖြင့်သာ ပြည်သူများအကြား ဆက်စပ်မှုလည်းရှိသော။ လျှို့ဝှက်မှုလည်းရှိသော အဖွဲ့အစည်းတရပ်ကို တည်ဆောက်နိုင်ပေလိမ့်မည်၊ ပြည်သူများအတွက် အာဏာရရှိရေး ဆောင်ရွက် နေသော လှုပ်ရှားမှုများကို ဦးဆောင်ရန် ဤလျှို့ဝှက်သောအင်အားစုများ သည်အရေးပါသော အခန်းကဏ္ဏက ပါဝင်ကြပါသည်၊ ဤစာတမ်း၏အောက်ပါ ခေါင်းစဉ်များကို ဆက်လက်ဆွေးနွေးဖော်ပြ သွားမည် ဖြစ်ပါသည်၊

၁၊ လျှို့ဝှက်ကွန်ယက်အဖွဲ့အစည်းတခုကို မည်သို့တည်ဆောက်မည်နည်း၊
၂၊ လျှို့ဝှက်မှုအတွက် ဥပဒေသများ
၃၊ စောင့်ကြည့်ခံရမှုကို မည်သို့ကျော်လွှားမည်နည်း၊
၎၊ လျှို့ဝှက်ဆက်သွယ်ရေးနည်းလမ်းများ
၅၊ နည်းနာများ၊ ဥပမာ လျှို့ဝှက်စာရေးနည်း။ လျှို့ဝှက် ပုန်းခိုရာအိမ်များ၊
၆၊ စစ်ကြောရေးကာလ မည်သို့ပြုမှုနေထိုင်မည်နည်း၊ (ဥပမာ ရန်သူကဖမ်း၍စစ်မေးခံရသောအခါ)

ဤအချက်များသည် လျှို့ဝှက်လုပ်ငန်းများအတွက် အရေးပါသောကိစ္စများဖြစ်ပါသည်၊

လျှို့ဝှက်စွာလုပ်ဆောင်နေရသောကာလ၏ လူအများကို စည်းရုံးရေးမှာ မလွယ်ကူလှပါ၊ သို့သော် သတိပြုရန် အချက်မှာ မိမိတို့ဤမျှခက်ခဲပင်ပန်းစွာ ဆောင်ရွက်နေသောလုပ်ငန်းများ။ လူအများအတွက် အမွန်မြတ်ဆုံး လုပ်ငန်း ဖြစ်နေသည်ဆိုသောကိစ္စပင် ဖြစ်ပါသည်၊

No comments: