ကြောက်ရွံခြင်းမှ လွတ်ကင်းရေး ( စာတည်း၏ အမှာ )

စာတည်း၏ အမှာ ...

(၁)

လွန်ခဲ့သော ရှစ်နှစ်ခန့်၁၉၈၅ ခုနှစ်က ဖြစ်သည်။ နှင်းထူထပ်စွာကျနေသည့် ထိုနှစ် ဆောင်းရာသီတနေ့တွင်ဒေါ်အောင်ဆန်းစုကြည်နှင့် ပထမဆုံးအကြိမ် ကျနော် တွေ့ဆုံခဲ့ရသည်။ ထိုစဉ်က အင်္ဂလန်တွင် ရန်ကုန်တက္ကသိုလ်မှလုပ်ဖော်ကိုင်ဖက်ဟောင်း သမိုင်းဆရာ-ဆရာမများ ရောက်ရှိနေခိုက်ဖြစ်သဖြင့် အောက်စဖို့ဒ်တက္ကသိုလ်တွင် တနေ့စုဝေးကြသည်။
ထိုနေ့၌ပင် ဒေါ်အောင်ဆန်းစုကြည်တို့ ဇနီးမောင်နှံက သူတို့အိမ်တွင် လ္ဘက်ရည်ပွဲ ပြင်ဆင်ထားသဖြင့်ကျနော်တို့ သမိုင်းအုပ်စု သွားကြသည်။ ကျနော်နှင့် ကျနော့်ဇနီးအပါအ၀င် အားလုံး ဧည့်သည် ရှစ်ယောက် ရှိ၏။ဒေါ်စုကိုယ်တိုင် လုပ်ထားသော ကိတ်မုန့်များ စားသောက်၍ တပျော်တပါး ရှိလှသည်၊ ကျနော်သည် ဒေါ်စု၏ခင်ပွန်းဒေါက်တာမိုက်ကယ်အဲရစ်နှင့်သာ စကားပြောရသည်ကများပြီး ဒေါ်စုမှာမူ အမျိုးသမီးဝိုင်းတွင်လက်မလည်နိုင်အောင် ဧည့်ခံရင်း စကားလက်ဆုံ ကျနေသည်က များ၏။
ဒေါ်စုတို့အိမ်မှာ အတော်လေးကျယ်ဝန်းသည်ဟု ဆိုနိုင်သော်လည်း ကုလားထိုင်များ။ စားပွဲများနှင့်စာအုပ်စင်များကလွဲ၍ကျနော် ဘာမျှ မတွေ့မိ။ လင်မယားနှစ်ယောက်စလုံး ရိုးရိုးကုပ်ကုပ်နှင့် စာပေလိုက်စားသူများဖြစ်သည်ဟူ၍သာ ကျနော့်စိတ်ထဲပ၌ မှတ်ချက်ချမိသည်။

(၂)

ထိုနေ့တွေ့ဆုံပြီးနောက်ပိုင်း ကျနော်နှင့် ဒေါ်စုတို့ဇနီးမောင်နှံ လုံးဝ အဆက်အသွယ် မရှိသလောက်ဖြစ်သွားသည်။ ၁၉၈၈ ခုနှစ်ရောက်မှ မြန်မာပြည် ဒီမိုကရေစီအရေးတော်ပုံတွင် ဒေါ်စု ဇောက်ချ၍လုပ်ကိုင်နေသည်များကို သတင်းစာများတွင် ဖတ်ရသည်။ လူကြုံများနှင့် ပါလာသော ဗွီဒီယိုအခွေများတွင်လည်းဒေါ်စုကို တွေ့ရသည်။
ကျနော်သည် မဆလခေတ်ကို စက်ဆုပ်ရွံရှာပြီး မဆလဒဏ်ကိုလည်း မခံနိုင်သည့်အဆုံးနိုင်ငံခြားထွက်လာခဲ့သူဖြစ်သည်။ ဒေါ်စုမှာမူ လွတ်လပ်နေရာမှ အမိနိုင်ငံသို့ပြန်ရင်း မိမိ၏ ယုံကြည်ချက်အတိုင်းဒီမိုကရေစီထွန်းကားရေးအတွက် တိုက်ပွဲဝင်ရုန်းကန်နေသူဖြစ်သည်။
ဒေါ်စုကို ရိုးသားဖြောင့်မတ် သိမ်မွေ့သော အိမ်ရှင်မ တဦးအဖြစ်သာ သိရှိထားခဲ့သဖြင့် ရေရှည်တိုက်ပွဲတွင်ခံနိုင်ရည်ရှိပါ့မလားဟု အစတွင် ကျနော် သံသယဖြစ်မိသည်။ သို့သော် ဒေါ်စု ဦးဆောင်သည့် ဒီမိုကရေစီတိုက်ပွဲအချိန်ကြာလာသည်နှင့်အမျှ ထိုသံသယစိတ်တို့ လွင့်စင်ကွယ်ပျောက်ကုန်တော့သည်။

(၃)

ဒေါ်စု အင်္ဂလိပ်ဘာသာဖြင့်ရေးသား၍ ခင်ပွန်းသည် ဒေါက်တာမိုက်ကယ်အဲရစ် တည်းဖြတ်ထုတ်ဝေသော"Freedom From Fear" စာအုပ်ကို ၁၉၉၁ ခုနှစ် ဒီဇင်ဘာလတွင် ဖတ်လိုက်ရသည်။ ထိုစာအုပ်ကိုမြန်မာဘာသာ ပြန်ဆိုထုတ်ဝေသင့်သည်ဟု ကျနော် တွေးမိသည်။ ထိုစာအုပ်ကို တကယ်တမ်း မြန်မာပြန်ရာတွင်ကျနော် အဓိကအခန်းမှ ပါဝင်လာရမည်ဟု ထိုစဉ်က မထင်မှတ်ခဲ့ပါ။ ကျနော် နောက်ဆုံး မြန်မာပြန်ဆိုရေးသားထုတ်ဝေခဲ့သည့် အတွေ့အကြုံမှာ ၁၉၇၁ ခုနှစ်က ဖြစ်သည်။ နှစ်ပေါင်း ၂၀ ကျော်ခန့်မြန်မာပြန်ထုတ်ဝေသည့် အလေ့အထ ပြတ်လပ်နေခဲ့သဖြင့် အစတွင် ဒေါ်စုစာအုပ်ကို မြန်မာပြန်ရန် မ၀ံ့မရဲဖြစ်မိသော်လည်း မြန်မာတိုင်းရင်းသားတိုင်း ဖတ်ရှုသင့်သည့် စာအုပ်ဟု ယုံကြည်သည့်အတွက် အတတ်နိုင်ဆုံးအားထုတ်ပြန်ဆိုခဲ့ရသည်။ အထူးသဖြင့် မြန်မာစာဖတ်ပရိသတ်အတွက် ရည်စူးထားသည့်အလျောက်အင်္ဂလိပ်စာအုပ်နှင့်မတူဘဲ တမူထူးခြားနေမှာ အမှန်ဖြစ်သည်။
ဗိုလ်ချုပ်အောင်ဆန်းကို မြန်မာ့လွတ်လပ်ရေးဖခင်ဟု လူတိုင်းလိုလို ငယ်စဉ်ကတည်းကသိရှိထားခဲ့ကြသော်လည်း ဗိုလ်ချုပ်၏ အတွေးအခေါ်အယူအဆများကို လေးလေးနက်နက်နားလည်သဘောပေါက်မိသူ အလွန်နည်းပါးလိမ့်မည်ထင်သည်။ ထိုလူနည်းစုထဲတွင် ဒေါ်စု အထင်ရှားဆုံးဖြစ်မည်မှာပြောရန်မလိုဟု ယုံကြည်သည်။ ဗိုလ်ချုပ်အောင်ဆန်း၏ အတွေးအခေါ်အယူအဆများပေါ်တွင် အခြေခံ၍ မိမိကိုယ်ပိုင်ယုံကြည်ချက်များကို တည်ဆောက်ထားသော ဒေါ်စု၏ အတွေးအခေါ်ကို မြန်မာတိုင်းရင်းသားတိုင်း သိရှိနားလည်သဘောပေါက်ရန် လိုအပ်သည်။
မြန်မာနိုင်ငံတွင် ၁၉၆၂ ခုနှစ်မှ ၁၉၈၈ ခုနှစ်အထိ ပြည်သူလူထု ယုံကြည်အားထားလောက်သည့်နိုင်ငံရေးခေါင်းဆောင်မျိုး ပေါ်ပေါက်ရန် အခွင့်အလမ်း မရှိခဲ့ပါ။ ၁၉၈၈ ခုနှစ် ဒီမိုကရေစီအရေးတော်ပုံပေါ်ပေါက်လာသည့်အခါတွင်မှ ကိုယ်ကျိုးစွန့်၍ တိုင်းပြည်အတွက် အနစ်နာခံလုပ်ကြမည့်ငယ်ရွယ်သောခေါင်းဆောင်များ ပေါ်ပေါက်လာခြင်းဖြစ်သည်။ ထိုအထဲတွင် ဒေါ်စုသည် ဗိုလ်ချုပ်အောင်ဆန်း၏နိုင်ငံရေးအမွေကို ဆက်ခံမည့်သူအဖြစ်၎င်း၊ ငြိမ်းချမ်းသောနည်းဖြင့် တိုင်းရင်းသားစည်းလုံးညီညွတ်ရေးကိုရယူနိုင်မည့်သူအဖြစ်၎င်း၊ တပ်မတော်သားတို့က ရိုသေလေးစားရသူအဖြစ်၎င်း၊ အများပြည်သူ၏ ယုံကြည်ကိုးစားမှုရယူထားသူအဖြစ်၎င်း၊ အမျိုးသားပြန်လည်သင့်မြတ်ရေးကို လုပ်ဆောင်နိုင်မည့်သူအဖြစ်၎င်း ပေါ်ထွက်လာပါသည်။

(၄)

ကွယ်လွန်သူ သမိုင်းပညာရှင် ဗိုလ်မှူးဘရှင် ရေးသား၍ ၁၉၅၀ ခုနှစ်က ပထမဆုံးအကြိမ်ပုံနှိပ်ထုတ်ဝေခဲ့သည့် “မြန်မာနိုင်ငံတော်သမိုင်း” စာအုပ်တွင် မြန်မာ့ရှေးဟောင်းသမိုင်းပညာရှင်ကြီး ပါမောက္ခ ဂျီ၊အိပ်ခ်ျ၊ လုစ် က “ဗမာမဟုတ်သော နိုင်ငံသားများအပေါ် ကွယ်လွန်သူ အောင်ဆန်း ထားရှိသောသဘောထားများကို ကျနော် များစွာလေးစားမိပါ၏။ မြန်မာနိုင်ငံ စည်းလုံးရေးကို ဓားဖြင့်မဟုတ်ဘဲနိုင်ငံ့ခေါင်းဆောင်ပီသစွာ လေးလေးနက်နက် အဓိပ္ပါယ်ရှိရှိ ကြိုးပမ်းရာတွင် ‘ကျန်စစ်သား’ လွန်သည်မှစ၍အောင်ဆန်းသည် ပထမဆုံးသော ဗမာဖြစ်သည်ဟု ကျနော် ယူဆပါသည်။”ဟု ၄င်း၏ အမှာစာတွင်မှတ်တမ်းတင်ထားသည်။
ဒေါ်စုသည် ဖခင်လုပ်သူ၏ ခြေရာအတိုင်း လိုက်နိုင်မည်ဟု ကျနော် ယုံကြည်၏။သို့သော် မြန်မာနိုင်ငံ့ဒီမိုကရေစီထွန်းကားရန် ဒေါ်စုတဦးတည်း အနစ်နာခံကြိုးပမ်း၍ ရမည်မဟုတ်၊လူတိုင်းက မိမိတို့၏ကိုယ်ကျိုးသက်သက်ကိုသာ ကြည့်မနေဘဲ၊ အမျိုးသားပြန်လည်သင့်မြတ်ရေးနှင့် ဒီမိုကရေစီအရေးတို့အတွက်တတ်နိုင်သ၍ တာဝန်သိသိ ကူညီမှသာ မြန်မာနိုင်ငံတွင် ဒီမိုကရေစီထွန်းကား၍ စစ်မှန်သောတိုင်းရင်းသားစည်းလုံးညီညွတ်ရေးကို ရရှိနိုင်မည်ဖြစ်သည်။
စာအုပ်ပါ အသုံးအနှုန်းများကို နေ့စဉ်သုံး မြန်မာစကားနှင့် အနီးစပ်ဆုံးဖြစ်စေရန် ရည်ရွယ်ထားသဖြင့်ဥပမာ “ကျွန်မ-ကျွန်တော်” ဟူသော စာလုံးပေါင်းကို မသုံးဘဲ “ကျမ-ကျနော်” ဖြင့် အစားထိုး သုံးစွဲထားသည်။မူရင်း မြန်မာစကားတွင် မိမိကိုယ်မိမိ “ငါ”ဟှူု ရည်ညွှန်းသော်လည်း အာဏာရှင်ဘုရင်များခေတ်တွင် “ကျွန်”ဟူသော ဝေါဟာရ ခေတ်စားလာခဲ့၍ “ငါ” ဟူသော မူလအသုံးအနှုန်းမှာ ဘုရားစာများတွင်သာ ကျန်နေတော့မည်ဖြစ်သည်။
စာအုပ်ဖြစ်မြောက်ရေးအတွက် အဖက်ဖက်မှ ကူညီကြသည့် လန်ဒန်မြို့မှ အရှင်ဥတ္တရ။ ဦးစိန်ကျော်လှိုင်နှင့်အခြား မြန်မာပြန်ဆိုကူညီသူများအား အထူးလှိုက်လှဲစွာ ကျေးဇူးတင်ရှိပါသည်။ မြန်မာပြန်ဆိုရာ၌ တစုံတရာချွတ်ယွင်းမှုရှိမည်ဆိုလျှင် ကျနော့်တွင်သာ တာဝန်ရှိပါသည်။

ဒေါက်တာအောင်ခင်
လန်ဒန်
၇-၉-၉၃