မန်းရှာရေ...
မန်းရှာရေ
မြစ်ဝကျွန်းပေါ်က
တို့ဘ၀တွေ ယူခဲ့...
မန်းရှာရေ
ပဲခူးရိုးမက
အချစ်ညတွေယူခဲ့...
မန်းရှာရေ
ဒေါနတောင်တန်းက
တောပန်းတွေယူခဲ့...
မန်းရှာရေ
နင့်သေနတ်ကို
နင်ကိုင်လာခဲ့...
မန်းရှာရေ
သွေးစွန်းနေတဲ့
သင်တိုင်းတွေဝတ်ခဲ့...
မန်းရှာရေ
အမျိုးသားရေး
လွတ်မြောက်ရေးတွေ ကျောပိုးခဲ့...
မန်းရှာရေ
နင့်ရဲဘော် နင့်သားသမီး
စူးနစ်ယုံကြည်ထားရစ်ခဲ့...
အဆိပ်လူးထား
ကျည်ဖူးတစုံ ရင်အုံနဲ့လဲ
မကြေကွဲနဲ့ နမ့်ကျင်ရွှေ
နင်မှာတာတွေ
ကမ္ဘာ မြေပေါ်ကျန်ခဲ့ပြီ..။ ။
(ဆရာမန်းရှာနှင့် အမ နမ့်ကျင်ရွှေသို့)
မောင်လွမ်းဏီ
၁၅-၂-၂၀၀၈
1 comment:
ကိုဖိုးဇေ အမှတ်တရ ဘလော့စာမျက်နှာလေးတခု
ထပ်ဖွင့်နိုင်ရင်ကောင်းမယ်နော်။
တာရာမင်းဝေအမှတ်တရ
ဘလော့လိုပေါ့။
Post a Comment