Sunday, June 3, 2007

စဉ်းစားကြည့်ကြပေါ့ဗျာ

အိပ်မက်အိမ်မှာက လူစုံတော့ တိုင်းရင်းသားပေါင်းစုံလည်းရှိမှာပဲ.... ဒီတော့ ဘော်ဘော်တို့အနေနဲ့လည်း မည်သည့် တိုင်းရင်းသားဖြစ်ဖြစ် ဒီလိုဒုက္ခမျိုးကိုတော့ ကိုယ်ချင်းစာနိုင်မှာပါ.... ပြုသူအဟောင်းဆိုပေမဲ့... ခံရသူမှာကတော့ ထာဝရဆန်းသစ်နေမှာပါ.... ပြုသူကလည်း တစ်ဦးတစ်ယောက် တစ်မျိုးတည်း တစ်ဖွဲ့တည်း ဆိုပေမဲ့လည်း..... ခံရသူအပေါင်းမှာကတော့ ၁၅၃ မျိုးသော တိုင်းရင်းသား ညီအစ်ကိုမောင်နှမတွေ ပါလိမ့်မယ်ဆိုတာ ရဲရဲကြီးပြောရဲပါတယ်ဗျာ.... မိတဆိုး ဖတဆိုးတွေရဲ့ အဖြစ်အပျက်ကိုတော့ သူတို့အနေနဲ့ ဘယ်လိုသိမြင်ခံစားနိုင်မှာလဲ.....ခမျာလေးတွေမှာ မိမှရှိသေးရဲ့လားမသိ.... ဖမှရှိသေးရဲ့ လားမသိတဲ့ ဘ၀.... ဘ၀ရဲ့အခက်ခဲဆုံး၊ အကြမ်းတမ်းဆုံးသော ဘ၀ကိုကျော်ဖြတ်နေကြရတယ်... စားရမဲ့ဘ၀၊ သောက်ရမဲ့ဘ၀.... အိမ်ဆိုတာ ဘာမှန်းမသိ... မိသားစုရဲ့နွေးထွေးမှုကို မခံစားနိုင်... ပျော်ရွှင်မှုဆိုတာ ပျောက်ကွယ်နေတဲ့ ကလေးတွေ ရဲ့ဘ၀.... ဒီလိုအဖြစ်ဆိုးများစွာ ခံစားနေကြရတဲ့ တိုင်းရင်းသားပေါင်းစုံတို့ရဲ့ အဖြစ်အပျက်တွေကို သူတို့တွေက မသိတာလား... မသိချင်ယောင်ဆောင်လား.... မဟုတ်နိုင်ဘူး.... ဒါဟာ သူတို့ပဲ ဖြစ်အောင်လုပ်ခဲ့တာ... အာဏာတည်မြဲရေး.... နေရာတည်မြဲရေး အတွက် ဘယ်သူ့ကိုမဆို စတေးမှာပဲ.... သူ့လူ ကိုယ့်ဘက်သားပါ ဆိုတဲ့သူတို့ရဲ့ လက်ကိုင်တုတ်တွေကိုတောင်မှ စစ်တုရင်ကစားသလို အစာထိုးကျွေးခဲ့တာလည်း ဒုနဲ့ဒေး..... ရာထူး... ဆိုတာ ရူးတာ ဆိုပေမယ့် အဲ့ဒီရူးနေတဲ့ ရာထူးကိုပဲ ခုံမင်မက်မော နေကြတယ် မဟုတ်လားဗျာ.... လက်ညိုးညွန်ရာကိုရေဖြစ်ချင်နေကြတာကိုးဗျ.... သူတို့ခန္ဓာမှာ စိန်တွေစီနေပေမဲ့လည်း သံစဉ်ကတော့ နတ်ဆိုးရဲ့ သူခိုးသံစဉ်ပါပဲ.... အရာအားလုံးဟာ တိုင်းရင်းသား ပြည်သူတို့ရဲ့ သွေး၊ ချွေးဥစ္စာ ဆိုတာကတော့ မြေကြီး လက်ခတ်မလွဲနိုင်ပါဘူး.... ဒီလို ရင်နင့်စရာ စကားလုံးတွေကိုပြောရမယ်ဆိုရင်တော့.... ၁၅၃ မျိုးသော တိုင်းရင်းသားတို့ရဲ့ ကြုံတွေ့ခဲ့ရတဲ့ အဖြစ်အပျက် စကားရပ်များဟာ ကုန်နိုင်မယ်မထင်ပါဘူးဗျာ.............

No comments: