ဆရာမမေငြိမ်း ရေးသားခဲ့သော ကိုယ်ကျင့်တရား အပေါ် ကျွန်တော့်ရဲ့ အမြင်

ဆရာမ မေငြိမ်း ရဲ့ ကိုယ်ကျင့်တရား ဆိုတဲ့ ခေါင်းစဉ်အောက်က လူချွန် ၊ လူကောင်း ဆိုတဲ့ ကွဲပြားခြားနားမှု လေးက အတော်ကို စဉ်းစားဖို့ ကောင်းလွန်းတဲ့ အချက်တစ်ချက် အဖြစ် ကျွန်တော်မြင်မိပါတယ် ။ လူတိုင်း ၊ လူတိုင်းဟာ လူရည်ချွန်ဖြစ်ဖို့ အတော်လေး ပြင်းပြင်းထန်ထန် ကြိုးစားမှု ၊ ဥာဏ်ပညာရှိမှုနဲ့ ( ဗုဒ္ဓ ဘာသာဝင်တိုင်း လက်ခံယုံကြည်ကြတဲ့ ) အတိတ်ပါရမီ (၀ါ) အတိတ်ကံ ဆိုတာလည်း သင့်တင့်လျှောက်ပါတ်တဲ့ အတိုင်းအတာကိုယ်စီ ရှိကြရဦးမယ် ။ ဒါပေမယ့် ကျွန်တော်တို့ တတွေဟာ ကိုယ်ကျင့်တရားဆိုတဲ့ ခေါင်းစဉ်တစ်ခုတည်းနဲ့ ( အကြွင်းမဲ့ နီးပါး ) ဖြစ်နိုင်တဲ့ လူကောင်း ဖြစ်ဖို့ မေ့လျှော့နေကြတာလား ?

သတိမမူ နေမိကြတာလား ?
သိရက်နဲ့ ဥပက္ခာ ပြုနေကြတာလား ?
ကိုယ်တိုင်မေး ပုစ္ဆာတစ်ပုဒ် အနေနဲ့ မိမိကိုယ် ကို ပြန်မေးကြည့်ရအောင်လား ဗျာ ။

ကျွန်တော် အမြင်အရ ဆိုရင် ... ကျွန်တော်တို့ ဗုဒ္ဓ ဘာသာဝင်တိုင်းမှာ ငါးပါးသီလ ကို ခါးဝတ်ပုဆိုးလို မြဲဖို့ လူကြီးသူမ (အရပ်ပြော သဘောအတိုင်း ရေးသားခြင်း ဖြစ်ပါသည် ။ အသုံးအနှုန်းမှားက သင်ကြားပေးစေ လိုပါသည် ။) တွေက ပြောဆိုဆုံးမလေ့ ရှိပါတယ် ။
ကျွန်တော် တစ်ကယ်ရော မြဲခဲ့ရဲ့လား ?
အရိုးသားဆုံး နဲ့ အပွင့်လင်းဆုံး ပြောပါရစေ ....

၁။ ပါဏာတိပါတာ- သူ့အသက်ကို သတ်ခြင်းမှ ၊ ဝေရမဏိ သိက္ခာပဒံ- ရှောင်ကြဉ်ကြောင်းဟု ဆိုအပ်သော သိက္ခာပုဒ်ကို ၊ သမာဒိယာမိ- ကောင်းစွာဆောက်တည်ပါ၏ ။

အာမဘန္တေ - ပြည့်စုံအောင် ကျင့်ပါမည်ဘုရား လို့ အဆုံသတ်ပင် မရောက်သေးခင် နားထဲတိုးဝင်လာတဲ့" ခြင်" သံကြောင့် "သေတော့မှာဘဲ" ဟု စိတ်မှ တခါတရံ ကြိမ်းဆိုလိုက်မိတတ်သည် ။ ငါးပါးသီလပင် အဆုံးမသတ်သေး ကျွန်တော်ရဲ့ ပါဏာတိပါတာ သိက္ခာပုဒ် မှာ မနောကံဖြင့် ချိုးဖောက်ခြင်း ခံလိုက်ရပေပြီ ။

ကျွန်တော် ....ဒီအချက်ကို
မေ့လျှော့နေမိတာလား ?
သတိမမူ နေမိတာလား ?
သိရက်နဲ့ ဥပက္ခာ ပြုနေမိတာလား ?

တိတိကျကျ ဖြေကြားဖို့ လွန်စွာမှ ခဲယဉ်းစွာ ကြိုးစားနေရဆဲ ဖြစ်ကြောင်း ၀န်ခံပါတယ် ။

၂ ။ အဒိန္နာဒါနာ- အရှင် (ပိုင်ရှင်) သည် ကိုယ် ၊ နှုတ်ဖြင့် မပေးအပ်သော သူတစ်ပါး ပစ္စည်းဥစ္စာကို ခိုးယူခြင်းမှ ၊ ဝေရမဏိ သိက္ခာပဒံ- ရှောင်ကြဉ်ကြောင်းဟု ဆိုအပ်သော သိက္ခာပုဒ်ကို ၊သမာဒိယာမိ- ကောင်းစွာဆောက်တည်ပါ၏ ။

ဒီအချက်ကတော့ ဘုရားကန်တော့ခန်း ပြီးသည့်တိုင်အောင် မြဲပါသေးတယ် ။ ဒါပေမယ့် မိတ်ဆွေ သူငယ်ချင်း အချင်းချင်းရဲ့ ပစ္စည့် ဥစ္စာ တစုံတရာကို နောက်ပြောင်လို၍ ဖြစ်စေ ၊ လိုအပ်သော အချိန်၌ ပိုင်ရှင်အားခွင့် မတောင်းဘဲ ဖြစ်စေ ၊ ကျွန်တော် ယူဆောင်မိရင် ကျွန်တော် ဒီ အဒိန္နာဒါနာ သိက္ခာပုဒ် ကို ဆောက်တည်နိုင်ခြင်း မည်မှာလား ?

ကျွန်တော် ....ဒီအချက်ကို
မေ့လျှော့နေမိတာလား ?
သတိမမူ နေမိတာလား ?
သိရက်နဲ့ ဥပက္ခာ ပြုနေမိတာလား ?

တိတိကျကျ ဖြေကြားဖို့ လွန်စွာမှ ခဲယဉ်းစွာ ကြိုးစားနေရဆဲ ဖြစ်ကြောင်း ၀န်ခံပါတယ် ။

၃ ။ ကာမေသု မိစ္ဆာစာရာ- သူတစ်ပါး၏ မယားစသည်ကို ကျုးလွန်ခြင်းမှ ၊ ဝေရမဏိ သိက္ခာပဒံ- ရှောင်ကြဉ်ကြောင်းဟု ဆိုအပ်သော သိက္ခာပုဒ်ကို ၊သမာဒိယာမိ- ကောင်းစွာဆောက်တည်ပါ၏ ။

ဒီအချက်ကိုတော့ ကျွန်တော့်ဘ၀ရဲ့ အစိတ်အပိုင်း အတော်များများမှာ (လုံးဝနီးပါး) ရှောင်ကြဉ်ခဲ့ပါတယ် ။ သို့သော်လည်း တစ်ခါတရံ နှုတ်မှ နောက်ပြောင်ပြောဆိုမှုများကြောင့် ကာမေသု မိစ္ဆာစာရာ ပုဒ် ကြိုးပျက်ခဲ့လိမ့်ပါမယ် ။

ကျွန်တော် ....ဒီအချက်ကို
မေ့လျှော့နေမိတာလား ?
သတိမမူ နေမိတာလား ?
သိရက်နဲ့ ဥပက္ခာ ပြုနေမိတာလား ?

တိတိကျကျ ဖြေကြားနိုင်ပေမယ့် (အကြွင်းမဲ့) စောင်းထိန်းရန် ကြိုးစားနေရဆဲ ဖြစ်ကြောင်း ၀န်ခံပါတယ် ။

၎ ။ မုသာဝါဒါ- မဟုတ်မမှန်သော စကားကို ပြောဆိုခြင်းမှ ၊ ဝေရမဏိ သိက္ခာပဒံ- ရှောင်ကြဉ်ကြောင်းဟု ဆိုအပ်သော သိက္ခာပုဒ်ကို ၊သမာဒိယာမိ- ကောင်းစွာဆောက်တည်ပါ၏ ။

ဒီအချက်ကို ကျွန်တော် အကြွင်းမဲ့ ချိုးဖေါက်ကြောင်း ၀န်ခံပါသည် ။ ဘာကြောင့်လဲ ဆိုရင် ... " ထမင်းစားပြီးပြီလား ? " ဆိုတဲ့ မေးခွန်းမျိုးတောင် တစ်ခါတရံ မစားရသေးပေမယ့် " စားပြီးပြီ" ဟု နှုတ်မှ မရည်ရွယ်ပါဘဲ ထွက်ဆိုမှု (၀ါ) ပြောဆိုမှုများ ၊ ရုံး ယူနီဖောင်းနဲ့ ကားဂိတ်အသွား " ဘယ်သွားမှာလဲ? " လို့ မေးလာတဲ့မေးခွန်များဆိုက စိတ်ထဲမှာ လွန်စွာမှ ကျွဲမှီးတိုသော်ငြား ရုံးယူနီဖောင်း မတွေ့ဘူးလား ဟု ပြောချင်သည့်တိုင်အောင် " ကျွန်တော်ရုံးသွားမလို့ပါ " ဟု ဖြေကြားရခြင်းများ စတာတွေကြောင့် မုသာဝါဒါ ပုဒ် ကြိုးပျက်ရပါသည် ။

ကျွန်တော် ....ဒီအချက်ကို
မေ့လျှော့နေမိတာလား ?
သတိမမူ နေမိတာလား ?
သိရက်နဲ့ ဥပက္ခာ ပြုနေမိတာလား ?

သိရက်နဲ့ ဥပက္ခာပြုနေရပေမယ့် လူမှုရေးဆိုသည့် ဝေါဟာရအား လူမနိုင် ၊ ကံကိုပုံ၍ အပြစ်မဖွဲ့ လိုတော့ပါ ။

၅ ။ သုရာမေရယ မဇ္ဇပမာဒဋ္ဌာနာ- သေရည်အရက် ကို သောက်စားခြင်းမှ ၊ ဝေရမဏိ သိက္ခာပဒံ- ရှောင်ကြဉ်ကြောင်းဟု ဆိုအပ်သော သိက္ခာပုဒ်ကို ၊သမာဒိယာမိ- ကောင်းစွာဆောက်တည်ပါ၏ ။

ဒီအချက်ကို ရံဖန်ရံခါ ချိုဖေါက်ကြောင်း ၀န်ခံပါသည် ။ နိုင်ငံတကာ ယဉ်ကျေးမှု ဆိုတဲ့ အကြောင်းပြချက်ကောင်းမှာ စီးမျောလိုခြင်း ၊ အပေါင်းအသင်းများနှင့် ပျော်ပါးလိုခြင်းကြောင့် သုရာမေရယ မဇ္ဇပမာဒဋ္ဌာနာပုဒ်ကို ရံဖန်ရံခါ ချိုးဖောက် နေဆဲပါ။

ကျွန်တော် ....ဒီအချက်ကို
မေ့လျှော့နေမိတာလား ?
သတိမမူ နေမိတာလား ?
သိရက်နဲ့ ဥပက္ခာ ပြုနေမိတာလား ?

မေ့လျှောခြင်း မဟုတ်သည့်တိုင်အောင် အတတ်နိုင်ဆုံး စောင်းထိန်းနိုင်ရန် ကြိုးစားရပါဦးမည် ။

အာမ ဘန္တေ- " ပြည်စုံအောင် ကျင့်ပါမည်ဘုရား" ဟူသော နောက်ဆုံးပိတ် ရွတ်ဆိုတိုင်း နှုတ်မှ လွန်စွာတိုးညှင်းစွာ ရွတ်ဆိုနေရဆဲ ဖြစ်ကြောင်း ၀န်ခံပါသည် ။

အထက်ပါ အကြောင်းအရာ အားလုံးသည် ဆရာမ မေငြိမ်း ရေးသားခဲ့သော ကိုယ်ကျင့်တရား ဆိုသည့် ခေါင်စဉ်အောက်မှ လူကောင်းတစ်ယောက် ဖြစ်ရန် အဓိကလိုအပ်ချက် ( ငါးပါးသီလ ) ကို ( ကျွန်တော့်အမြင်ဖြင့် ) မိမိကိုယ်ကိုယ် ဝေဖန်ခဲ့ခြင်းများသာ ဖြစ်ပါသည် ။ ကျွန်တော့် ၏ အသိဥာဏ် နည်းပါးမှုကြောင့် သွန်သင်ဆုံးစရာများရှိပါက ၊ ကောင်းစေလိုသော သဘောနှင့် ဖြစ်သောကြောင့် သက်ညှာစရာ မလိုအပ်ဘဲ ၀ိုင်းဝန်း၍ စိတ်ရှိလက်ရှိ သွန်သင် ဆုံးမ ပေးကြပါလို့ အားလုံးကို မေတ္တာရပ်ခံပါတယ် ။

လူစွမ်းတွေ မကောင်းတောင် ၊ လူကောင်းတွေ စွမ်းနိုင်ကြပါစေ ........